Вучиќ на „Инстаграм“ напиша дека не знае дали Орбан ќе изгуби или ќе победи, ама дека му е благодарен за пријателството меѓу Србите и Унгарците.
„Не знам дали Виктор ќе изгуби или ќе победи. Знам само дека сум му бескрајно благодарен за пријателството меѓу Србите и Унгарците. Без него, тоа пријателство не би постоело“, се наведува во објавата, која вклучува и фотографија од Вучиќ и Орбан.
Вучиќ додаде дека му е благодарен на Орбан за сè „каков и да е резултатот“.
„П.С. Ние Србите сме различни, бидејќи дури и да изгубите, ќе ви бидеме засекогаш благодарни“, завршува објавата.
View this post on Instagram
Унгарските граѓани утре излегуваат на гласачките места на избори кои се сметаат за историски и најважни од 1989 година, кога комунистичкиот режим се повлече од власт, а клучното прашање е – дали премиерот Виктор Орбан и неговата влада можат да бидат отстранети на овие избори?
Според „Дојче веле“, на утрешните избори, кои се сметаат за важни и за иднината на ЕУ, првпат од 2010 година постои реална можност да победи опозициската партија, конзервативната „Тиса“ која ја предводи главниот предизвикувач на Орбан, Петер Маѓар.
ИЗДВОЕНИ
КОЛУМНА, ЗВОНКО ДАВИДОВИЌ: Судството како партиски реверс и обвинителството како немо сведоштво
Кандидатите за членство во Унијата ќе се доближуваат преку системот на „градежни блокови“: Макрон и Мицкоски на маса – Европа со нова понуда за Балканот
Агенциите бараат доплата по 20 евра од патник поради поскапите авионски карти
Факултетот за арт и дизајн – 20 години посветеност, знаење, визија и слободно креативно изразување!
