Виткоф и Кушнер на средба со експерти за нуклеарна енергија: Трамп се спрема за нуклеарни преговори со Иран, иако е неизвесно дали ќе има договор за мир

Посредниците на американскиот премиер биле на консултации во Оук Риџ со тим технички експерти кои би можеле да играат клучна улога во претстојните нуклеарни преговори со Иран

Посредниците на американскиот претседател Доналд Трамп, неговиот пријател Стив Виткоф и зетот Џаред Кушнер, викендов биле во националната лабораторија во Оук Риџ, Тенеси, на консултации со тим технички експерти кои би можеле да играат клучна улога во претстојните нуклеарни преговори со Иран, објави американскиот портал „Аксиос“.

Овој таен состанок јасно става до знаење дека Белата куќа се обидува по секоја цена да склучи меморандум за разбирање со Иран за да се стави крај на војната и да почнат длабински нуклеарни преговори. Сепак, САД и Иран сè уште се во конфликт околу неколку клучни детали од меморандумот, потврдија американски претставници и регионални извори вклучени во медијацијата меѓу двете страни. Извори блиски до преговорите опишуваат дека разговорите се до самиот крај, но сè уште е сосема неизвесно дали воопшто ќе се постигне конечен договор.

Во Националната лабораторија Оук Риџ и безбедносниот комплекс Ипсилон 12 се  водечките американски експерти за преработка на ураниум и за технологија на центрифугирање. Историјата памети дека запленети нуклеарни материјали и опрема од кризни жаришта, вклучувајќи ги и оние од Казахстан и Либија, претходно поминале низ овие објекти во Тенеси. Белата куќа и Националната администрација за нуклеарна безбедност одбија официјално да коментираат за посетата, но двајца американски претставници открија дека неодамна бил собран тим од околу стотина експерти за директно учество во нуклеарните преговори штом ќе се потпише прелиминарниот договор. Доколку преговорите дојдат до таа фаза, тимот експерти што се сретна со Виткоф и Кушнер ќе мора детално да разработи план за тоа како да се уништи или отстрани нуклеарниот материјал на Иран, како дополнително да се ограничи неговата програма за збогатување и, најважно, како да се потврди дека сето ова се спроведува во практика. Американските претставници истакнуваат дека некои од тие експерти од Тенеси направиле нешто слично пред само неколку недели.