Општина Аеродром потпиша нови 50 договори со домаќинства од населба Лисиче кои активно ќе се вклучат во системската селекција на пластичен отпад, а на семејствата им беа поделени и специјални канти.
Од Општината велат дека големиот интерес на жителите покажал дека грижата за животната средина станува секојдневна навика во оваа Општина.
– Проектот веќе дава одлични резултати, а собирањето на отпадот се одвива редовно и организирано. Целта е да бидат опфатени вкупно 600 домаќинства, кои преку своето активно учество ќе придонесат за почиста и поздрава животна средина – информираат од локалната самоуправа.
Проектот го спроведува ЈП за комунални дејности на Општина Аеродром, а собраниот отпад се предава на овластени компании за понатамошна обработка и рециклирање. За негов транспорт е обезбедено и специјално електрично товарно возило, што дополнително придонесува за намалување на загадувањето.
– Општина Аеродром е една од првите општини во државата која спроведува ваков системски проект за селекција на пластичен отпад директно од домаќинствата, поставувајќи пример за современ и одговорен пристап кон управувањето со отпадот – нагласуваат општинските власти.
Тие се заблагодарија на сите жители кои се приклучуваат и покажуваат дека вистинските промени започнуваат од сопствениот дом.
-Заедно градиме еколошки навики, подигнуваме свест и создаваме почиста иднина за генерациите што доаѓаат – сметаат од Општината.
(А.П.)
ИЗДВОЕНИ
Домашните трговски марки со силен извозен потенцијал добиваат нов поттик
Струјата, од следната година, би можела да поевтини за 5 до 10 проценти, најави Мицкоски
Расте револтот во аграрот, земјоделците бараат смена на Трипуновски и најавуваат протести
Судење за трагедијата во „Пулс“: Хотели се контролирале, дискотеки не – Салиу во судница го оспори својот потпис
