Турција изненади со збогувањето со Светското првенство, и тоа по само два натпревари. Неочекуваните порази од Австралија (2:0) и од Парагвај (1:0), и покрај доминацијата, предизвикаа револт во оваа земја и се бараат големи промени. Разочарувањето е огромно, Турците веруваа дека може да стигнат далеку со „златната генерација“, но силно „удрија“ во ѕид.
Секако, интересно е што по поразот од Парагвај, Турската фудбалска федерација побара од ФИФА преигрување на натпреварот. Причината е „поткопување на авторитетот на судијата“ од страна на парагвајскиот фудбалер Матијас Галарза. Турците тврдат дека е нарушен интегритетот на натпреварувањето.
Судијата Иван Бартон го загуби часовникот на теренот. Случајно го испушти, а Галарза го подигна и го стави на рака.
Оваа сцена беше доволна за Турците да побараат преигрување на натпреварот. Тие се водеа од правилата на ФИФА за прекршен интегритет на натпреварувањето, според кои можат да побараат преигрување на натпреварот поради поткопување на авторитетот на судијата.
Турците тврдат дека во оваа ситуација, судијата Бартон бил спречен правилно да суди на натпреварот. Затоа поднеле барање да се преигра натпреварот, а првиот човек на Федерацијата, Ибрахим Хачиосманоглу, изјави:
– Дури и ако има еден процент шанса, ние ќе се бориме за нашите права.
Сепак, ФИФА го отфрли барањето на Турската фудбалска федерација со образложение дека немало прекршување на правилата и дека судијата имал уште еден часовник.
– Правилата се јасни: Вашите барања имаат основа, но нема докази дека судијата не бил во можност да ја извршува својата должност и дека бил нарушен интегритетот на натпреварувањето. Судијата имаше уште еден часовник, а однесувањето на играчот не влијаеше на неговата работа. Вториот часовник го елиминира вашето барање – е пораката од ФИФА до Турската фудбалска федерација.
Во турската јавност, овој исход дополнително го продлабочи незадоволството од работата на селекторот и на целиот тренерски персонал.
Медиумите во таа земја со денови ги анализираат сите детали од овие два порази, од изборот на почетниот состав до замените во клучните моменти на натпреварите против Австралија и Парагвај.
Некои аналитичари сметаат дека приказната за поништувањето на натпреварот е само обид да се одвлече вниманието од вистинските проблеми. Тие истакнуваат дека Турција создала шанси, но немала смиреност во последните моменти, додека одбраната направила наивни грешки, кои едноставно не остануваат неказнети на ова ниво на натпреварување.
