Претседателот на САД, Доналд Трамп, одлучи да го суспендира Законот за трговска морнарица од 1920 година, попознат како Закон Џонс, за 60 дена, во обид да го ублажи наглиот пораст на цените на енергијата предизвикан од ескалацијата на конфликтот на Блискиот Исток, пренесе „Тајмс оф Индија“.
Како што објави портпаролката на Белата куќа, Керолин Левит, оваа мерка е дел од поширок пакет мерки насочени кон стабилизирање на пазарот во услови на сериозни прекини во снабдувањето со нафта.
„Одлуката на претседателот Трамп да го суспендира Законот Џонс за 60 дена е уште еден чекор кон ублажување на краткорочните прекини на пазарот на нафта, бидејќи американската војска ја продолжува операцијата „Епски бес“ против Иран“, рече Левит на социјалната мрежа „Икс“.
Привременото суспендирање на овој закон им овозможува на странските бродови да транспортираат енергија помеѓу американските пристаништа, што досега беше строго ограничено. Според важечките прописи, сите стоки што се транспортираат помеѓу пристаништата во Соединетите Држави мора да се превезуваат на бродови што пловат под американско знаме, изградени во Соединетите Држави и со екипаж од американски граѓани.
Белата куќа нагласува дека оваа мерка ќе овозможи непречена и побрза испорака на нафта, природен гас, јаглен и ѓубрива, што би го ублажило притисокот врз цените и би обезбедило стабилност на снабдувањето.
Одлуката доаѓа во време кога ситуацијата на глобалниот енергетски пазар драматично се влоши откако Иран, како одговор на нападите од Израел и САД, објави де факто затворање на Ормутскиот теснец, еден од најважните нафтени коридори во светот.
Техеран ја прошири забраната на сите бродови, вклучувајќи ги и комерцијалните бродови и танкерите, што доведе до речиси целосен застој на сообраќајот во овој стратешки премин. Последиците веднаш се одразија на пазарот, со остар скок на цените на нафтата и зголемена неизвесност во врска со понатамошните испораки.
Во такви околности, потегот на Вашингтон се толкува како итна интервенција насочена кон спречување на подлабока енергетска криза, но и како индикатор за сериозноста на нарушувањата што се закануваат да се прелеат во
