Американскиот демократски сенатор Крис Марфи (53) е хоспитализиран откако во саботата доживеал мозочен удар. Тој моментално се наоѓа во болницата „Џонс Хопкинс“, а лекарите се задоволни од неговото закрепнување и очекуваат тој целосно да оздрави.
Демократскиот сенатор од Конектикат, Крис Марфи, доживеал мозочен удар, потврдија од неговиот кабинет во неделата, пренесува Си-Ен-Ен (CNN). Во саботата попладне, Марфи почувствувал вкочанетост во раката, по што бил однесен во локална болница. Лекарите утврдиле дека претрпел мозочен удар, а подоцна бил префрлен во болницата „Џонс Хопкинс“.
Неговата шефица на кабинет, Алисон Хервит, изјави дека сенаторот е буден и свесен, и дека лекарите се оптимистични во однос на неговиот напредок.
„Лекарите се охрабрени од неговиот напредок; тој е буден и свесен, и ние сме оптимисти дека целосно ќе закрепне“, рече Хервит.
Претседателот на САД, Доналд Трамп – чии политики демократскиот сенатор често ги критикуваше – исто така реагираше на веста за хоспитализацијата на Марфи. Обраќајќи им се на новинарите по пристигнувањето во Ајова во неделата, Трамп изјави дека е изненаден од веста и дека можеби ќе стапи во контакт со Марфи кога ќе дојде вистинскиот момент.
„Секако, не сакаме да слушаме такви работи“, рече Трамп.
Тој додаде дека е изненаден бидејќи Марфи е релативно млад. „Тој е прилично млад човек, па затоа бев малку изненаден кога слушнав. Не сакате такво нешто да му се случи никому“, забележа американскиот претседател.
Крис Марфи е член на Сенатот на САД од 2013 година, а претходно го претставуваше 5-тиот конгресен округ на Конектикат во Претставничкиот дом. Во текот на својата политичка кариера, тој се етаблираше како еден од поистакнатите прогресивни гласови во рамките на Демократската партија. Тој е особено силен застапник за подостапна здравствена заштита и построга контрола на оружјето.
Неговото име се споменува и меѓу потенцијалните кандидати за демократските претседателски прелиминарни избори во 2028 година.
ИЗДВОЕНИ
„АЛТА банка“ АД Битола продолжува да работи – администрацијата е привремена мерка за заштита на Банката и на штедачите до промена на сопственоста
„Законот секогаш може да биде подобар“ – Игорчо Точев за 16 години поднел 300 иницијативи до Уставниот суд
ДИК за резултатите од вториот круг од изборите за градоначалник во Брвеница: Јахиј освои 4442, а Радичевски 4177 гласови
Народна банка на Македонија донесе решение за воведување администрација во Алта банка а.д. Битола
