Поранешниот сопруг на Ејми Вајнхаус со неочекувано признание за кобниот и преран крај на животот на ѕвездата/видео

Во неодамнешното појавување во подкаст, Блејк Филдер-Цивил призна дека сноси дел од одговорноста, но ги отфрли тврдењата дека тој е единствената причина за  проблемите на Ејми Вајхаус со зависноста.

Блејк Филдер-Цивил, поранешниот сопруг на покојната пејачка Ејми Вајнхаус, со која беше во брак од 2007 до 2009 година, се осврна на долгогодишните обвинувања дека тој е единствено виновен за нејзината прерана смрт во 2011 година.

Во неодамнешното појавување во подкаст, Филдер-Цивил призна дека презел дел од одговорноста, но ги отфрли тврдењата дека тој бил единствената причина за нејзините проблеми со зависност, објави Index.hr.

„Мојот став сега е дека знам дека многу луѓе, особено оние што ги читаат медиумите пред 20 години, можеби чувствуваат дека јас сум одговорен за смртта на Ејми“, рече Блејк во подкастот „Ние треба да разговараме“, додавајќи: „како што секогаш велев, никогаш не бегам од одговорност. Ако сум направил нешто, ќе го признаам.“

Иако потврди дека бил со Ејми кога таа првпат пробала хероин, тој истакна дека таа „почнала да проба кокаин“ со поранешен партнер пред него.

„Никогаш не ја обвинив личноста што прва ми дала дрога“, рече тој, додавајќи дека никогаш не разбрал дали овие луѓе мислеле дека тој ја присилил Ејми да се дрогира. Тоа едноставно не се случи.

Тој нагласи дека пејачката на „Rehab“ била „многу силна жена“.

„Ејми сама ги донесуваше своите одлуки“, продолжи 43-годишникот, додавајќи дека тоа не било непочитување кон неа, туку Ејми правела што сакала. Иако пиењето почнуваше да ја уништува, таа продолжи“, рече тој, пренесе „Индекс“.