Американскиот претседател Доналд Трамп објави дека САД се согласиле да продолжат со разговорите со Иран, но во исто време повтори дека Вашингтон јасно му ставил до знаење на Техеран дека прекинот на огнот повеќе не е на сила.
„Исламската Република Иран побара да продолжи со разговорите. Ние се согласивме на тоа“, напиша Трамп на социјалната мрежа Truth Social.
„Но, САД им ставија до знаење дека прекинот на огнот е завршен“, додаде американскиот претседател.
САД извршија повеќекратни напади врз Иран оваа недела откако Техеран нападна неколку бродови во Ормутскиот теснец. Сепак, Трамп не нареди нови воени напади синоќа.
Дипломат изјави за „Си-ен-ен“ дека катарските преговарачи, во координација со САД, отпатуваа во Иран за да се сретнат со тамошните функционери.
Американски функционер претходно изјави за „Си-ен-ен“ дека стратегијата на администрацијата на Трамп е да изврши воени напади, а потоа привремено да ги запре операциите за да избегне понатамошна ескалација на конфликтот и да остави простор за продолжување на дипломатијата.
ИЗДВОЕНИ
Мецола: Статус кво состојбата ја оддалечува Македонија од Европа
ИГОР ИЛКОВ, ПРЕТСЕДАТЕЛ НА ПЧЕЛАРСКАТА ФЕДЕРАЦИЈА: Без пчелите ќе останеме без храна, не само без мед!
Некои работици добија К-15 пред одморите, други ќе чекаат до декември
Почнува постапка за девојчињата што тепале, за момчето што им помагало при насилството и за другарот што снимал
