Вечерва, 30 јуни, во 20.30 часот во Уметничката резиденција „Македонида“ свечено беше отворена традиционалната изложбана ДЛУМ „Поместени граници“ чиј организатор е Друштвото на ликовни уметници на Македонија, а која годинава се реализира како резиденцијален престој во текот на јуни и јули во Уметничката резиденција „Македонида“ ( семејна куќа на ул.„Атинска“ бр. 2, во скопската населба Тафталиџе).
Кураторка на оваа изложба чиј концепт со наслов „Разбудени сеќавања“ е насочен кон индивидуалните мемории е историчарката на уметност Гордана Велков, а посетителите до 02 јули ќе можат да ги видат делата на уметниците: Маја Гечиќ – Белград, Р. Србија, Ивана Настески, Зулејха Зибери, Ана В’чкова, Елена Гелева, Нина Богуновиќ, Душан Георгиевски, Енеса Мемети, Давор Кешќец, Вук Митевски и Стефан Анчевски.
Изложбата „Поместени граници“ која е дел од годинешното „Скопско лето“, традиционално ги обединува современите уметнички практики што ги истражуваат актуелните индивидуални и колективни искуства преку визуелниот израз. Ги преиспитува постојните уметнички пристапи и поттикнува нови, нестандардни начини на создавање ликовно дело.
Фото:П.Стојановски
ИЗДВОЕНИ
Премиерот Мицкоски го соопшти предлог составот на неговиот нов Владин кабинет
Компромисот за деблокадата на Изборниот законик во рацете на координаторите
Асистентка уапсена по пријава на студент од Турција: фатена со обележани сто евра
Пченицата се откупува по цена на едно јајце, земјоделците се откажуваат од лебното жито
