Студентите кои учествуваат во блокадата денеска испратија отворено писмо до раководството на Радио-телевизија Србија (РТС), до Советот на Регулаторното тело за електронски медиуми (РЕМ) и до Народното собрание на Србија, барајќи институционална одговорност и ослободување на јавниот сервис од политичко влијание.
„Граѓаните имаат право на вистинити, целосни и непристрасни информации. Бараме институционална одговорност и ослободување на јавниот сервис од политичко влијание“, наведоа студентите во објава на социјалните мрежи.
Што бараат студентите од РТС?
Студентите бараат итна оставка од генералниот директор на РТС, неговиот заменик и уредувачкиот колегиум на информативната програма. Истовремено, тие бараат формирање на преодна управа – предложена преку договор помеѓу „Студентската листа“ и репрезентативните синдикати во РТС – при што именувањата би се вршеле во согласност со законот.
Што бараат од РЕМ?
Тие бараат Советот на РЕМ да дејствува независно, да обезбеди транспарентност во одлучувањето и да даде образложение за постапувањето во случајот поврзан со телевизискиот канал „Информер“.
Студентите побараа од РЕМ да даде јавен и образложен одговор во рок од седум дена од приемот на писмото.
Порака до Народното собрание
Во отвореното писмо, тие исто така наведоа дека ќе се залагаат за пополнување на испразнетите места во Советот на РЕМ преку законит и транспарентен процес, заснован на стручноста и независноста на кандидатите.
„Јавниот сервис мора да им служи на граѓаните“, изјавија студентите во блокада.
View this post on Instagram
ИЗДВОЕНИ
ВРЕДНИ ФОТОГРАФСКИ СВЕДОШТВА ОТКРИЕНИ ПРЕД ЈАВНОСТА: Непознати кадри, а големи приказни за Теодосиј Гологанов, Петар Поп Арсов, Петар Чаулев…
Кој ќе ја гаси Пресека ако избие пожар: доброволци или професионалци?
Банките продолжуваат да ги дерат граѓаните, високите провизии удираат по џебот
Младите да останат во Македонија, да градат кариера и да основаат семејствa
