Престижниот „Форин полиси“: „Студентите во Србија заслужуваат Нобелова награда за мир!“

Промената на власта во Србија и историскиот успех на студентското движење го привлекоа вниманието на меѓународната заедница. Меѓу оние што го забележаа ова е Едвард П. Џозеф, експерт за управување со конфликти кој предава на Школата за напредни меѓународни студии „Џонс Хопкинс“.

Во напис за списанието Foreign Policy, тој ги спореди студентските протести во Србија со младинските движења во други европски земји и ги анализираше причините што, според него, се клучни за успехот на српските студенти.

„Зачудувачката победа на ’Студентската листа‘ на парламентарните избори во Србија донесе прекупотребно олеснување за еден континент кој се соочува со бројни предизвици. Додека низ Европа се шират протести на револтирани млади луѓе, припадниците на ’Генерацијата Z‘ во Србија покажаа дека суштински промени можат да се постигнат преку ненасилно политичко дејствување. Извонредната дисциплина, посветеност и организираност што српските студенти ги покажаа во текот на две години обележани со силен притисок, заслужуваат Нобелова награда за мир“, наведува експертот.