Најмалку 12 лица го загубија животот, додека најмалку десет се тешко повредени во страшна сообраќајна несреќа што се случила преку ноќ во Унгарија, кога полски туристички автобус се лизнал од автопатот М3, објави државната новинска агенција МТИ.
Информацијата ја објави утрово унгарскиот премиер Петер Маѓар, додека спасувачките екипи извлекле вкупно 35 повредени лица од возилото по несреќата.
Според унгарските медиуми и полицијата, во автобусот во моментот на несреќата имало 57 патници и двајца возачи. Возилото се движело во правец на Њиреѓхаза кога, од засега непознати причини, излетало од автопатот и се превртело.
Buszbaleset az M3-ason Mezőkeresztesnél: többen meghaltak https://t.co/zPpXDDRYKw
— Vadhajtások.hu (@VadhajtasokHu) August 16, 2026
Спасувачките екипи веднаш излегле на местото на настанот и ги пронашле патниците низ прозорците на автобусот. Некои од патниците биле заробени под возилото, поради што спасувачката операција траела во текот на целото утро.
Делот од автопатот М3 каде што се случила несреќата бил затворен за истрага. Сообраќајот бил пренасочен во близина на Мезокерестес.
Истрагата за околностите што довеле до несреќата е во тек.
ИЗДВОЕНИ
СИНОДОТ МУ ОДГОВОРИ НА СРПСКИОТ ПРЕТСЕДАТЕЛ, НО ШТО СО НЕПРИЈАТНИТЕ ПОРАКИ ОД БЕЛГРАД: Ќе се определат ли македонските владици дали МПЦ-ОА е своја на своето или е на имот што ѝ го дала СПЦ „на користење“?
Почина 72-годишник од западнонилска треска, на Инфективна
Гостиварци, конечно, добија безбедна вода за пиење – ќе ја пуштат ли чешмата без страв?
Со трактор пред огнот – Аце ја ораше земјата кога тргна пламенот кон селото
