четврток, ноември 19, 2026
Дома СВЕТ Украинците по третпат во седум дена го напаѓаат Кримскиот мост

Украинците по третпат во седум дена го напаѓаат Кримскиот мост

0
EPA/STRINGER

Кримскиот мост повторно беше цел на напад од страна на вооружените сили на Украина, што доведе до привремен прекин на сообраќајот, соопшти лидерот на Крим, Сергеј Аксјонов.

„Поради уште еден напад врз Кримскиот мост, сообраќајот е привремено запрен“, напиша Аксјонов на својот канал на платформата X, пренесува РИА Новости.

Тој додаде дека сите надлежни служби се на своите позиции.

Како што пренесува Танјуг, Аксјонов на својот канал на Телеграм наведе дека во тек е проценка на штетата.

Ова е трет напад оваа недела врз мостот, кој ја поврзува копнена Русија со Крим.

Мостот претходно претрпе оштетувања за време на нападите на украинските сили во текот на ноќта меѓу 16 и 17 септември.

Според првичните информации, во тој случај немало жртви, а Истражниот комитет на Русија покрена кривична постапка, третирајќи го инцидентот како можен терористички напад.

Железничкиот сообраќај преку мостот беше целосно воспоставен до вечерта.

ИЗДВОЕНИ