Стариот музички механизам на градскиот часовник во Битола наскоро ќе биде јавно изложен во музичката соба што се подготвува во битолскиот Офицерски дом.
Стариот музички механизам откриен при новинарско истражување и долги години оставен во внатрешноста на битолскиот градски часовник, Општина Битола ќе му го донира на Културно-информативниот центар (КИЦ) Битола, каде што целосно ќе биде заштитен, достапен на јавноста и со соодветен информативен агол за улогата што ја имал со децении во овој град.
Како што е познато, до замената со нов современ музички механизам, стариот музички и историски вреден механизам се користеше за емитување македонски народни песни, кои одекнуваа од врвот на Саат-кулата, а денес, со новиот механизам, единствено се емитува песната на Ајри Демировски – „Битола мој роден крај“.
Музичката соба во битолскиот Офицерски дом, освен стари експонати, ќе содржи и музички плочи, информации од музичката историја на градот, како и агол за преслушување песни посветени на Битола.
ИЗДВОЕНИ
КОЛУМНА, ЗВОНКО ДАВИДОВИЌ: Судството како партиски реверс и обвинителството како немо сведоштво
Кандидатите за членство во Унијата ќе се доближуваат преку системот на „градежни блокови“: Макрон и Мицкоски на маса – Европа со нова понуда за Балканот
Агенциите бараат доплата по 20 евра од патник поради поскапите авионски карти
Факултетот за арт и дизајн – 20 години посветеност, знаење, визија и слободно креативно изразување!
