Плажите во Дубровник, Сплит и Задар се веќе полни со капачи кои го користат прекрасниот и сончев викенд за да уживаат во морето. Според најавите на Државниот хидрометеоролошки завод, ова е само почеток на првите топлотни бранови во оваа сезона.
Фотографите кои ги посетија плажите во Дубровник; Сплит и Задар забележаа зголемен број капачи овој викенд. Оваа глетка не е изненадувачка со оглед на тоа што денес во овие градови е повеќе од 26 степени Целзиусови.
Температури над 30 степени утре
По топлиот викенд, синоптичарите најавуваат понатамошно зголемување на температурите. Температурите би можеле да се искачат над 30 степени Целзиусови во некои делови од земјата уште утре.
Државниот хидрометеоролошки завод објави дека се очекува Хрватска да доживее период на натпросечно топло време во последната деценија од мај, со доаѓањето на првите топлотни бранови во оваа сезона.
Освежување можно на средина од неделата
Според моменталните прогнози, постуден воздух од север би можел да пристигне во северните и централните региони на Хрватска кон средината на следната недела, што би донело освежување. На југот од земјата, надпросечната топлина би можела да се задржи до последниот викенд во мај.
ДХМЗ, исто така, предупредува дека сезонските прогнози укажуваат на потопло од просечното лето, со зголемена веројатност за топлотни бранови во Хрватска.
ИЗДВОЕНИ
Еврокомесарката Кос и премиерот Мицкоски со иста цел, но со различни патишта до Брисел
КОЛУМНА, ЗВОНКО ДАВИДОВИЌ: Демократија на „апарати“, од партиски штабови до дигитални септички јами
Домашната пченица стои непродадена, а увезуваме пченица и брашно со сомнителен квалитет
Сиљановска-Давкова: „Најсилна Европа е онаа што живее во мир и демократија, заснована на принципи и вредности“
