Во Националниот парк „Маврово“ почна поставувањето минерални и витамински блокови наменети за дополнување на исхраната на дивечот во текот на есенските и на зимските месеци.
Од Управата на паркот информираат дека се спроведуваат активностите во подрачјата на повисока надморска височина, а ги реализира Службата за заштита на природата, во рамките на редовните есенски активности.
– Во овој период, ренџерите и вработените во Службата за заштита на природата се на терен и поставуваат минерални и витамински блокови. Тие се наменети како дополнување на исхраната на дивите животни во текот на есенските и на зимските месеци – посочуваат од управата на паркот.
Притоа, додаваат дека ова прихранување е особено корисно за тревопасните животни, како дивите кози и срнечкиот дивеч, кои во овој период имаат потреба за одржување на виталноста, но тоа е корисно и за другите животни.
Паралелно со овие активности, се спроведуваат редовните контроли и обиколки на терен. На тој начин, како што информираат од управата на НП „Маврово“, се врши следење на состојбите и грижа за дивиот свет.
ИЗДВОЕНИ
СВЕДОК: НАБАВЕНИТЕ ВЛТ-АПАРАТИТЕ НИКОГАШ НЕ СЕ СТАВЕНИ ВО УПОТРЕБА
Еврата во ѕидот од паричките од црвен пипер, дињи, лозје… – мајката на Ристов тврди дека таа ги пикала зад плочката
Владата не може да се меша во судската постапка, но бугарски лекари можат да ја прегледаат Ива Михајлова
Наместо за странски инвестиции, да се отвараат домашни компании за да се задржат младите
