Противпожарната бригада на Град Скопје доби специјално навално противпожарно возило, кое значително ќе ги зајакне капацитетите за брза, ефикасна и професионална интервенција на терен.
Станува збор за возило наменето за гасење пожари во урбана средина, како и за технички интервенции, со можност за транспорт на екипа од пет пожарникари.
Возилото е производство на MAN, со цистерна за вода со капацитет од 6.000 литри и пумпа со нормален и висок притисок. Опремено е и со витло од 60 метри, што овозможува брз одговор во критични ситуации, особено во густо населени делови од градот и на локации каде што секоја секунда е важна. Дополнително, возилото располага со комплет противпожарни арматури за гасење пожари во урбани услови, како и со монитор-млазница со далечинска контрола, наменета за гасење пожари со висок интензитет.
Скопскиот градоначалник, Орце Ѓорѓиевски информираше дека возилото е донација од општествено одговорна компанија.
-Во мојата визија за Скопје, модернизацијата на Противпожарната бригада која години е запоставена, е еден од важните приоритети. Нашите пожарникари се тивките херои на градот, луѓе кои не прашуваат кога е тешко, туку први влегуваат таму од каде што е најкритично. Тие заслужуваат современа опрема, подобри услови за работа и силна институционална поддршка – нагласи Ѓорѓиевски.
ИЗДВОЕНИ
Утврдени траги од судијата Ристов на фолиите во кои беа завиткани 350 илјади евра
Граѓаните сами ќе избираат дали ќе одат во пензија на 62 или ќе работат до 73 години
До 20.000 евра за сопствен бизнис, но дали тоа ќе ги задржи младите дома?
14 годишно момче избодено со нож во населбата Ченто, семејството бара пронаоѓање на напаѓачите
