Едно лице загина во експлозија што се случи во подвозник во Сплит, соопшти полицијата.
Полицијата изјави дека по пријавата за експлозијата синоќа, воспоставено е обезбедување и поширокото подрачје на инцидентот е блокирано, а спроведена е и истрага, објави порталот „Слободна Далмација“.
Според досегашните информации, во овој инцидент нема елементи на кривично дело.
Полициските сили веднаш биле испратени на местото на инцидентот и ги блокирале приодите кон подрачјето, додека влезот во градот од улицата Домовинског рата во Равне Њиве до раскрсницата со улицата Солински бил затворен поради експлозијата.
Полицијата изјави дека точниот број на жртви и околностите на инцидентот ќе бидат утврдени по завршувањето на истрагата.
Непроверени информации се ширеа на социјалните мрежи
Синоќа, по добиена пријава, полициските сили брзо пристигнаа на местото на настанот и го блокираа поширокото подрачје, а интервенираше и брзата помош. Сите пешачки пристапи беа затворени и обезбедени со полициска лента. Телото на едно лице беше пронајдено во близина на подземниот премин што ги поврзува Равне њиве и Качунар, пишува порталот Далматински.
На социјалните мрежи беа раширени разни непроверени информации, вклучувајќи тврдења за можен поголем број жртви и тврдења дека се слушнале две последователни експлозии, предупредува порталот.
ИЗДВОЕНИ
ПОЗИТИВНАТА ЕНЕРГИЈА ОД САМИТОТ ЕУ – ЗАПАДЕН БАЛКАН СЕ ШИРИ ВО РЕГИОНОТ: „Нон-пејперот“ од Тиват донесе видлив оптимизам и во Македонија
ЖИВОТНИ ПАТОКАЗИ, ЗОРАН КРСТЕВСКИ: Лек за душевно страдање
ПРЕСАДЕНИТЕ СРЦЕ И БУБРЕГ СПАСИЈА ДВА ЖИВОТА: Хуман чин на скопско семејство ја врати надежта во силата на дарувањето на органите
Коњско и Голем Град – дијалози со езерото што чува спомени и со островот што зборува со векови
