„Си-ен-ен“: Преговарачите меѓу САД и Иран очекуваат да го добијат ревидираниот ирански предлог во следните неколку дена

Пакистанските преговарачи во преговорите меѓу САД и Иран очекуваат да добијат ревидиран ирански предлог за завршување на војната во следните неколку дена, објави „Си-ен-ен“, повикувајќи се на неименувани извори.

Извори на „Си-ен-ен“ запознаени со медијацијата велат дека се очекува иранскиот министер за надворешни работи, Абас Арагчи, денес да се врати во Техеран по посетата на Русија и се очекува да се консултира со иранските лидери.

Процесот е бавен, велат извори на „Си-ен-ен“, поради тешкотии во комуникацијата со врховниот лидер Моџтаба Хамнеи, чија локација се чува во тајност, а некои дури веруваат дека во меѓувреме починал.

Претседателот на САД, Доналд Трамп, претходно навести дека нема да ја прифати верзијата на иранскиот предлог поднесена за време на викендот, во која Иран бара прво да се заврши војната, а спорните прашања поврзани со нуклеарната програма на Иран да се решат подоцна.

Извори на „Си-ен-ен“ изјавија дека процесот е во тек и дека многу ќе зависи од тоа дали Иран ќе поднесе ревидиран предлог што е поприфатлив за САД, пренесе „Бета“.