Семејството на Дарио Николиќ од Бела Река, близу Шабац – кој е осомничен за терористички напад врз израелската амбасада во Белград – вчера на социјалните мрежи објавиле дека тој исчезнал и дека неговото исчезнување е пријавено во полиција, објав „Блиц“.
На социјалните мрежи вчера се појави апел од неговото семејство, во кој се наведува дека Николиќ исчезнал завчера попладне и дека оттогаш семејството нема никакви информации за тоа каде се наоѓа.
„Според првичните информации, Дарио заминал од своето село кон Шабац за да се потстриже, а последен пат бил виден во трговскиот центар ’БИГ‘. Потоа, му се губи секаква трага. Последниот контакт со семејството го имал околу 16 часот, кога разговарал со мајка си. Од тој момент, неговиот телефон е недостапен, а тој не се вратил дома“, се вели во апелот.
Таткото на Николиќ исто така потврди дека тој заминал од селото за да се потстриже и дека го пријавиле неговото исчезнување во полиција.
Како што објавија српските медиуми, Николиќ претходно бил депортиран од Германија поради објави со радикална исламистичка содржина на социјалните мрежи.
ИЗДВОЕНИ
СТАРИ И БЕСПОМОШНИ, СВИРЕПО НАПАДНАТИ ВО СВОИТЕ ДОМОВИ – ДВЕ УБИСТВА ЗА ПЕТ ДЕНА ГО ЗАВИЈА СКОПЈЕ ВО СТРАВ
До документ со неколку клика на мобилен – нема веќе губење денови по шалтери
Со онлајн список, но без торба за на пазар – пиперки и домати за пола час на врата!
Пред пратениците 124 амандмани – за зголемување на минималецот, за студентски оброк и за поддршка за земјоделците
