Австралиецот Оскар Пјасти би можел да го замени Макс Верстапен во редовите на Ред Бул, поради растечката неизвесност околу иднината на двајцата возачи во Формула 1. Пјасти моментално е под договор со Мекларен до крајот на 2028 година, но новите извештаи сугерираат дека тимовите би можеле да се договорат за изненадувачка размена.
Холанѓанецот веќе некое време се поврзува со заминување од Ред Бул, а Мекларен и Ферари се споменуваат како можни дестинации, па дури и целосно пензионирање од спортот. Верстапен е познат по своето отворено незадоволство од новите технички прописи за 2026 година, што дополнително ги поттикнува шпекулациите за следните чекори на четирикратниот шампион во Ф1.
Доколку Верстапен го напушти тимот, Ред Бул ќе треба да најде нов лидер, а според „Аутоспорт“, Пјасти е фаворит. Интересот на Ред Бул за Пјасти не е ништо ново. Поранешниот шеф на тимот, Кристијан Хорнер, отворено се пожали на неговиот неуспех да го обезбеди потписот на младиот Австралијанец пред неколку години.
Неодамнешните извештаи исто така сугерираат дека Пјастри не е целосно задоволен од ситуацијата во Мекларен, поради што преминувањето во друг тим би било разбирливо решение. Пјастри има освоено девет победи во својата кариера со Мекларен и одигра клучна улога во освојувањето на две последователни титули кај конструктори од страна на тимот. Минатата сезона заврши трет во генералниот пласман кај возачите, освојувајќи седум победи.
ИЗДВОЕНИ
Ивановски успеа да избори пласман во финалето на Македонија опен 2026/ФОТО
Првпат во Македонија: Воведена е нова метода за прецизна дијагностика на срцеви заболувања
На Клиниката за инфективни болести се потврдени два случаи на Западнонилска треска – пациентите се хоспитализирани и под континуиран надзор
Македонија забрзува, изградбата на автопатот Охрид-Кичево влегува во својата завршна фаза, објави премиерот Мицкоски/видео
