Поранешниот унгарски премиер Виктор Орбан ѝ честиташе на Алтернатива за Германија (AfD) за победата на покраинските избори во Саксонија-Анхалт, велејќи дека тоа била „одлична ноќ за Германија и Европа“.
„Голема ноќ за Германија и Европа! Им честитам на (копретседателката на AfD) Алис Вајдел, (фаворит на AfD) Улрих Зигмунд и на целата AfD за убедливата победа во Саксонија-Анхалт“, напиша Орбан во објава на социјалната мрежа X.


„Подгответе се. Ова е само почеток!“, истакна Орбан.

Алтернатива за Германија (AfD), предводена од Улрих Зигмунд, убедливо победи на покраинските избори во германската покраина Саксонија-Анхалт со 43,8 проценти од гласовите, но не освои апсолутно мнозинство.
Христијанско-демократската унија (CDU) на премиерот на покраината, Свен Шулце, претрпе тежок пораз и заврши на второто место со само 17,2 проценти од гласовите, според прелиминарните резултати објавени од изборната комисија во текот на ноќта.

Според прелиминарните резултати, AfD освои 43,8 проценти од гласовите на изборите во недела – барем двојно повеќе во споредба со 20,8 проценти на изборите во 2021 година, CDU сега доби 17,2 проценти од гласовите, додека на претходните избори освои 37,1 процент, а 9,3 проценти од гласачите гласаа за Социјалдемократската партија на Германија (SPD), во споредба со претходните 8,4 проценти, објави „Билд“ утрово.

Според прелиминарните резултати, AfD го зголеми својот удел во гласовите повеќе од двојно, од 20,8 проценти во 2021 година на 43,8 проценти, што е најдобриот резултат постигнат од партија на регионални избори во Германија во последните десет години.

Излезноста беше 77,8 проценти, во споредба со 60,3 проценти во 2021 година, што е највисока излезност во Саксонија-Анхалт од повторното обединување на Германија.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ