Нивото на предупредување за вулканот Токачи на јапонскиот остров Хокаидо е подигнато на ниво 3 (на скала од пет нивоа) поради зголемена сеизмичка активност и ризик од можна ерупција, соопшти регионалната метеоролошка служба.
Регионалната канцеларија во Сапоро на Јапонската метеоролошка агенција го подигна нивото на предупредување од ниво 2, кое претходно го ограничуваше пристапот до кратерот на вулканот. Според предупредувањето, ерупцијата би можела да ја загрози областа во радиус од приближно три километри од кратерот.
Метеоролошките служби известуваат дека од август е забележано зголемување на зачестеноста на посилни земјотреси во близина на вулканот.
Издадена е наредба за евакуација во градот Камифурано за областа на термалните извори Фукиаге, која се наоѓа на приближно три километри од кратерот. Ова е првпат да се издаде предупредување од ниво 3 за планината Токачи.
Емисиите на вулкански гасови се во пораст од април, додека во јули и август беа забележани помали ерупции.
Последната голема ерупција на вулканот се случила во февруари 2004 година, пренесува „Танјуг“.
ИЗДВОЕНИ
Пет секунди пред Мајката Божја што ги чека човек цел живот
17.500 евра за да „помине“ јавна набавка: Приведен помошник-директор во Царина
БУРНО МЕЃУ ВЛАСТА И ОПОЗИЦИЈАТА ВО МАКЕДОНСКОТО СОБРАНИЕ: Расправиите за талогот ги заматија и пратеничките прашања
Пресудата падна, правдата во чекална – „Ласкарци“ се враќа во судските лавиринти!
