Британскиот крал Чарлс од денеска до 4 ноември е на турнеја по Карибите, во услови на раст на барањата од регионот Велика Британија да плати репарации за својата улога во трговијата со робови, објави „Ројтерс“. Кралот и неговата сопруга, Камила, прво ќе ги посетат Бахамите и Гвајана, пред да се упатат кон Антигва и Барбуда за состанокот на шефовите на влади на Комонвелтот – ЦХОГМ, кој се одржува на секои две години.
На претходниот состанок на лидерите на Комонвелтот во 2022 година, Чарлс изрази длабоко жалење за ропството, а прашањето сигурно ќе биде повторно поставено. Комонвелтот е група од 56 земји што се претежно поранешни британски колонии. Минатиот месец, карипската заедница од 23 земји, КАРИКОМ, која ги вклучува Бахамите, Барбадос и Јамајка, објави дека барањето за репарации ќе биде на агендата на ЦХОГМ.
Иако Бакингемската палата соопшти дека кралот во текот на турнејата нема да ја избегне темата за британската вклученост во трансатлантската трговија со робови, тој нема формално да се извини, во согласност со политиката на британската Влада, која, исто така, исклучува какви било финансиски репарации.
ИЗДВОЕНИ
ВРЕДНИ ФОТОГРАФСКИ СВЕДОШТВА ОТКРИЕНИ ПРЕД ЈАВНОСТА: Непознати кадри, а големи приказни за Теодосиј Гологанов, Петар Поп Арсов, Петар Чаулев…
Кој ќе ја гаси Пресека ако избие пожар: доброволци или професионалци?
Банките продолжуваат да ги дерат граѓаните, високите провизии удираат по џебот
Младите да останат во Македонија, да градат кариера и да основаат семејствa
