Утре, во 18:00 часот, во Големата сала на Општина Кисела Вода ќе се одржи втората едукативна трибина во рамките на кампањата „Розев Октомври“.
Настанот, кој се реализира во соработка со Здружението „Хема-Онко“, е целосно посветен на превенцијата, раното откривање и лекувањето на цервикалниот канцер.
-Целта е преку стручни совети и реални искуства да се подигне свеста за важноста на редовните прегледи – потенцираат од Општина Кисела Вода.
За овие клучни теми, пред присутните ќе говорат врвни медицински експерти: проф. д-р Ирена Алексиевска Папештиев, специјалист гинеколог-акушер и директор на Универзитетската клиника за гинекологија и акушерство, проф. д-р Виолета Клисаровска, онколог при ЈЗУ Универзитетска клиника за радиотерапија и онкологија.
На трибината ќе се обрати и Анита Бошкова, правник и поетеса, која ќе го сподели своето лично искуство како пациентка и ќе зборува за значењето на навременото откривање на болеста.
Општина Кисела Вода упатува отворен повик до сите заинтересирани граѓани да дојдат и да присуствуваат на овој настан.
-Преку знаењето, отворениот разговор и споделените искуства, сите заедно можеме да придонесеме кон поголема свесност за здравјето на жените – наведуваат од локалната самоуправа.
ИЗДВОЕНИ
Нема лекарска грешка кај родилката од Струмица, причината најверојатно е спонтано крварење
Француски сенатори во Скопје – поддршка за евроинтеграцијата
Лидери на компании за вештачка интелигенција: За доброто на човештвото, ве молиме контролирајте ја технологијата што ја создадовме
34 животи спасени за осум месеци на македонските патишта
