Заминувањето на Марио Хезоња од Реал Мадрид прераснува во вистинска трансфер-драма. Шпанскиот гигант одбива да го ослободи хрватскиот репрезентативец, тврдејќи дека не ги исполнил условите за едностран раскин на договорот.
Според „Марка“, Хезоња на 20 јуни само го објавил своето заминување, но не обезбедил официјален ангажман во НБА, ниту, пак, ја исплатил договорената отштета од еден милион долари, која сè уште не е намирена.
Поради тоа, договорот што наводно го постигнал со Кливленд кавалирс сè уште не е официјализиран, пренесува американскиот новинар Марк Штајн. Планот на „коњаницата“ е да му понуди едногодишен договор вреден 2,8 милиони долари, додека од клубот уверуваат дека работат на решавање на сите правни пречки.
Дополнителна неизвесност внесува грчкиот портал „Спорт 24“, кој објави дека Кливленд би можел да го отпушти Хезоња веднаш по потпишувањето на договорот, со што тој би станал слободен агент.
ИЗДВОЕНИ
Роден во Германија, ќе биде депортиран во Македонија поради телефонски измами на пензионери вредни речиси милион евра
Ревизија на ФЗО : 137 милиони евра неплатени придонеси, слаб ИТ-систем и контроли, застарени цени за здравствени услуги
Заболените од западнонилска треска каснати од домашен комарец се од околината на Скопско Поле
Случај Гостивар: Заразата од водата се смирува, се очекува до крајот на неделата да биде и за пиење
