Холанѓанецот Стефан Вајкамп (58), кого медиумите го нарекуваат „холандски Хитлер“ поради неговата физичка сличност со нацистичкиот лидер Адолф Хитлер, беше осуден во Германија на осум месеци затвор и парична казна од 3.000 евра за поттикнување омраза и величење на нацизмот.
Вајкамп не се појави на судењето пред судот во Минстер, ниту неговиот адвокат Андре Пикер, но судот сепак донесе одлука, објавува Билд.
Обвинителството го обвини за изјавите што ги даде во интервју за време на протестот одржан на 19 јули 2025 година во Минстер, во покраината Северна Рајна-Вестфалија.
Пред камерите на контроверзен јутјубер, Вајкамп рече дека неговата љубов кон Германија се вика Адолф Хитлер, кого го опиша како „неспоредливо светско чудо“, „брилијантен“ и „генијален“.
Almanya’da kendisini Adolf Hitler’i taklit eden görüntüsüyle dikkat çeken Stefan Wijkamp, Hitler’i öven röportajı nedeniyle yargılanmaya başlayacak.
Hollandalı olan Wijkamp, söz konusu röportajda “Almanya’ya yönelik aşkımın adı Adolf Hitler’dir. O eşi benzeri olmayan bir dünya… pic.twitter.com/busNCZYKgT
— ENSONHABER (@ensonhaber) July 21, 2026
Судот утврди дека тие изјави претставуваат кривично дело, бидејќи германскиот закон го казнува јавното одобрување, величење или оправдување на нацистичката диктатура и нејзините злосторства.
Судијката Антонија Буденбојмер, објави дека обвинетиот и неговиот адвокат можат да поднесат приговор на одлуката во рок од две недели, по што ќе биде закажано ново судење.
Доколку Вајкамп ја прифати пресудата, таа ќе стане правосилна и тој ќе може да ја плати казната од 3.000 евра на рати од по 100 евра.
Вајкамп редовно присуствува на митинзите на германската крајнодесничарска партија. Во 2017 година, тој се приклучи на сега веќе непостоечката неонацистичка партија „Десница“, а едно време беше и член на нејзиното раководство.
Во 2019 година, таа партија ја номинираше Урсула Хавербек (96), позната по негирањето на холокаустот, за кандидат на изборите.
