На 15 август, во Претор ќе се одржи „Преспански авантури“, инклузивна велосипедска тура наменета за лицата со и без попреченост. Настанот е дел од проектот „Магијата на Преспа“, чија цел е промовирање на активниот и инклузивен туризам, подобра пристапност и еднакво учество во рекреативните и во туристичките активности.
Учесниците ќе возат по велосипедска маршрута низ Преспанскиот Регион, при што ќе може да користат стандардни и адаптивни велосипеди. По завршувањето на турата, програмата ќе продолжи со пикник и со дружење покрај Преспанското Езеро, како и со презентација и практично испробување адаптивни велосипеди за лицата со попреченост.
Настанот ќе почне во 8:30 часот со прием на гостите и на претставниците на медиумите. Медиумските изјави и презентацијата се предвидени за 9:00 часот, додека велосипедската тура ќе почне во 9:30 часот.
Претставниците на медиумите ќе имаат можност да разговараат со организаторите, партнерите и со учесниците, како и да ги проследат стартот и текот на турата преку фотографии и видеоснимки.
ИЗДВОЕНИ
Орце Ѓорѓиевски се напи вода од чешма пред медиумите: „Нема ешерихија коли!“/ФОТО
Прогласена епидемија на западнонилска треска во делови од Скопје, досега еден починат од вирусот
Флашираната вода стигнува до пунктовите но, не и до сите граѓани – денешните резултати се клучни
Македонија стиска палци за Никола Ѓуретановиќ – ќе се бори со европската елита!
