Американскиот претседател Доналд Трамп го опиша прекинот на огнот на Блискиот Исток како „поумерено пукање“. Трамп синоќа одговараше на прашање од новинарите за да го дефинира прекинот на огнот меѓу Израел и Либан, објави Скај њуз.
„Во тој дел од светот, прекин на огнот е кога се пука поумерено“, рече Трамп.
Либанските државни медиуми објавија дека израелски беспилотни летала извршиле повеќекратни напади на различни локации на југот на земјата утрово, објави Ал Џезира. Според објавениот договор, прекинот на огнот е условен од целосно прекинување на огнот од страна на Хезболах и повлекување на своите оперативци од областа јужно од реката Литани, додека либанската армија треба да преземе целосна контрола врз тие области.
Сè уште не е јасно како ќе се имплементираат предвидените безбедносни зони, ниту дали Хезболах ќе ги прифати условите од договорот.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
