Предизборно ветување во САД: По 5.000 долари за секој млад Американец/ВИДЕО

Американскиот претседател Доналд Трамп денес изјави дека ќе исплати „дивиденда“ од 5.000 долари на секој полнолетен американски државјанин доколку Републиканската партија ја преземе контролата и врз Претставничкиот дом и врз Сенатот на изборите на средината од мандатот, закажани за ноември. Говорејќи на републиканска конвенција во Далас, Трамп рече дека граѓаните што ќе ги добијат парите ќе мора да ги потрошат во рамките на САД, пренесува CBS.

Осврнувајќи се на прашањето за конфликтот со Иран – за кој претходно тврдеше дека ќе заврши по американските избори на средината од мандатот – Трамп рече дека Ормускиот теснец (лоциран меѓу Персискиот Залив и Оманскиот Залив, каде што тензиите со Иран траат најдолго) треба да се преименува во „Трампов теснец“.

Trump: So if the Republicans win, you get $5000. pic.twitter.com/4ZC0DPFztp

— Acyn (@Acyn) September 10, 2026

Тој исто така изјави дека ќе нареди напади врз планината Пикокс, под која се наоѓа иранско нуклеарно постројување, и го предупреди Техеран „да не си игра игри“ во врска со ова прашање, бидејќи во спротивно САД „ќе мора силно да ги удрат“.

Трамп, кој неодамна го преименува езерото Онтарио во „Езеро Америка“, се осврна и на ескалирачката трговска војна со Канада, истакнувајќи дека соседот на САД „очајно сака“ да постигне договор и дека „царини“ е неговиот омилен збор.

Тој исто така предложи преименување на американската сојузна држава Ново Мексико – која се граничи со Тексас – во „Нова Америка“. Во своето обраќање, Трамп му оддаде почит на интелектуалецот Чарли Кирк – точно 12 месеци откако тој беше убиен додека говореше на еден универзитет во Јута – опишувајќи го како „голем пријател“.