Домашниот претставник Валентин Вашеро (АТП – 23-ти) е последниот полуфиналист на турнирот АТП Мастерс 1000 во Монте Карло. Тој го победи најдобриот австралиски тенисер Алекс де Минаур (АТП – 6-ти) во четвртфиналето во петокот со 6:4, 3:6, 6:3.
Во четврток, Вашеро стана првиот тенисер од Монте Карло кој се пласираше во четвртфиналето на Мастерс турнирот во Монте Карло во поединечна конкуренција, а во петокот ја доби можноста да се натпреварува против тенисерот број еден во светот и бранител на титулата од минатата година, Шпанецот Карлос Алкараз, за место во финалето на домашен терен.
Вашеро го шокираше тенискиот свет кога го освои турнирот во Шангај пред шест месеци како 204-ти тенисер во светот и квалификант, станувајќи најниско рангиран освојувач на титула од Мастерс 1000 во историјата, а во сосема неочекувано финале го победи својот братучед Артур Риндеркнех.
Со оваа победа, тој скокна на 17-то место на АТП ранг-листата во живо, а со евентуално финале, би стигнал до 14-то место. Кога новата официјална АТП ранг-листа ќе биде објавена во понеделник, Вашеро ќе стане првиот тенисер од Монако кој ќе влезе во Топ 20 во поединечна конкуренција.
ИЗДВОЕНИ
САМИТОТ НА ПСЈИЕ ВО СОФИЈА- Сиљановска-Давкова: Балканот има потреба од дебалканизација преку европеизација
ЗАВРШИ УШТЕ ЕДНА УЧЕБНА ГОДИНA, НО ГРИЖИТЕ ОСТАНУВААТ: Одѕвони и последното ѕвонче за годинава, ќе има ли повеќе ученици во клупите во септември?
Македонските конфекции добиваат 5 евра за кошула „хуго бос“, европските продавници ја продаваат за 40 евра
Го уништивме „Езеро Треска“, а за’рѓаа и реквизитите во аквапаркот
