По повод големиот верски празник, Велигден, Домот на културата „Иван Мазов-Климе“ во Кавадарци објави јавен повик за учество на изложбата на рачно изработени дела „Велигденска изложба на ракотворби“.
– Ги покануваме сите креативни луѓе да учествуваат со свои дела создадени во чест на верскиот празник Велигден, инспирирани од традицијата, симболиката и празничната атмосфера – повикуваат од Домот на културата.
Право на учество имаат: уметниците, занаетчиите, креативните луѓе, учениците, студентите, граѓаните од сите возрасти, здруженијата, групите и љубителите на ракотворби.
– Се прифаќаат сите видови рачни изработки како што се: украсните велигденски јајца (традиционални и современи техники), декоративните предмети, иконите, религиозните мотиви, сликите, цртежите, графиките, текстилните и везените дела, скулптурите, инсталациите, ракотворбите од природни и од рециклирани материјали, другите креативни изработки со велигденска тематика – појаснуваат од Домот на културата.
Секој учесник може да пријави едно или повеќе дела. Пријавувањето се врши на и-мејлот [email protected].
Рокот за пријавување е до 02.04.2026 година. Изложбата ќе се одржи на 07.04.2026 година.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
