Мајката на грчката политичарка од владејачката партија Нова демократија, 72-годишната Вагија Нестора, почина од тешките повреди што ги здобила во нападот во Солун, по серија сомнителни подметнати пожари и експлозии насочени кон политички функционери.
Според информациите од болницата во Солун, Нестора претрпела тешки изгореници и откажување на повеќе органи по експлозијата и пожарот што избувнале во станбената зграда каде што живее нејзината ќерка Афродити Нестора, политичарка и кандидатка на Нова демократија. Таа исто така е повредена и се лекува поради изгореници и вдишување чад.
Грчките власти соопштија дека во раните утрински часови, во интервал од само неколку минути, биле извршени три одделни напади во Солун со импровизирани запаливи направи и молотови коктели. Цел на нападите биле станови и објекти поврзани со членови и функционери на владејачката партија Нова демократија, пренесува BBC.
Грчкиот премиер Кирјакос Мицотакис остро ги осуди нападите, оценувајќи ги како „мрачен и нечовечки облик на политичко насилство“. Тој повика на заедничка реакција на општеството за, како што рече, „тероризмот да биде оттурнат на маргините“.
Полицијата истражува дали трите напади биле координирани и изведени од истите сторители. Истрагата ја води грчката антитерористичка служба, а засега никој не ја презеде одговорноста за нападите.
ИЗДВОЕНИ
Скопје се дави по поројот: Поплавени улици, заглавени возила и десетици повици за помош/ФОТО
Се идентификуваат насилниците на врсничкото насилство во Аеродром
Скопје под вода: Силно невреме со град го парализираше градот, поплавени улици и сообраќаен хаос
Дачиќ бара рецепт од Македонија како да се наплатат казните од странците
