Во Сараево вечерва нема спиење: „Сонував дека Бајрактаревиќ во 87-та минута ќе забие гол за 2:1“

Главниот град на Босна и Херцеговина е подготвен за вечервашниот натпревар помеѓу „Змејовите“ и САД, кој ќе се игра во два часот наутро. Улиците на Сараево се исполнети со навивачи и сино-жолто-бели бои, а еуфоријата во градот е огромна.

Граѓаните носат знамиња и дресови и со нетрпение и волја го очекуваат вечервашниот историски натпревар.

Со оглед на тоа што многу угостителски објекти го прилагодија своето работно време поради натпреварот, а работодавците го поместија почетокот на работното време за утре, 2 јули, нема сомнение дека вечерва нема да има спиење во Сараево, но и низ цела БиХ.

„Подготвени сме Змејови. Вечерва ќе нè направите среќни. Сонував дека Бајрактаревиќ ќе постигне гол во 87-та минута за 2:1 и тоа ќе биде конечниот резултат. Среќно“, рече еден граѓанин во изјава за порталот Radiosarajevo.ba.

Само неколку часа пред почетокот на натпреварот помеѓу Босна и Херцеговина и САД во осминафиналето на Светското првенство, околу стадионот „Беј Ареа“ во Санта Клара владее вистинска навивачка еуфорија.

Pre game in Santa Clara, CA
🇺🇸 vs 🇧🇦 #FIFAWorldCup pic.twitter.com/dP8MtfnDIa

— #MrPullUp (@Chris120778) July 1, 2026

Според проценките, вечерва на трибините на стадионот „Беј Ареа“ ќе има околу 10.000 навивачи на Босна и Херцеговина.

Репрезентацијата на Босна и Херцеговина вечерва во 02:00 часот по средноевропско време ќе го одигра најважниот натпревар во својата историја против САД.