понеделник, ноември 16, 2026
Дома СВЕТ Политички потрес во Израел: Опозицијата го обвинува Нетанјаху за обид за државен...

Политички потрес во Израел: Опозицијата го обвинува Нетанјаху за обид за државен удар

0
EPA/ABIR SULTAN

Двајца лидери на израелската опозиција од претходниот парламентарен состав, Јаир Лапид и Јусеф Џабарин, го обвинија израелскиот премиер Бенјамин Нетанјаху за обид за „државен удар“, по откритијата за можна манипулација насочена против арапските партии за време на израелските парламентарни избори одржани на 27 октомври, пренесува агенцијата Франс прес (АФП).

Според опозицискиот лидер Јаир Лапид, најновите детали што излегуваат во јавноста далеку ги надминуваат рамките на обично влијание врз изборниот процес.

„Како што излегуваат на виделина сè повеќе детали, станува јасно: Ова не беше обид за попречување на изборите, туку обид за државен удар“

Деталите за скандалот ги откри израелскиот Канал 12, наведувајќи дека шефот на кабинетот на Нетанјаху, Идо Норден, пред изборите на 27 октомври поднел полициска пријава против членови на партијата Раам. Како што пренесува телевизијата, Норден ја насочил полицијата кон поранешен вработен во премиерскиот кабинет како наводен разузнавачки извор, што резултирало со апсење на тројца партиски членови. Тие набрзо биле ослободени откако истрагата покажала дека обвинувањата се целосно неосновани.

Истовремено, весникот „Хаарец“ објави дека првиот човек на внатрешната разузнавачка служба Шин Бет, Давид Зини, побарал дозвола за прислушување на лидерите на другата арапска коалиција, Заедничката листа. Сепак,јавниот обвинител го одбил ваквото барање поради недостиг на докази.

„Доколку наодите се потврдат, тоа би значело дека од самиот центар на владата функционирал криминален механизам за манипулирање со изборните резултати. Сите одговорни мора да понесат одговорност, вклучително и Нетанјаху“

Поранешниот полициски началник Јоав Сегаловиќ, кој е втор на листата на партијата Раам, побара итна,независна и темелна кривична истрага која ќе ги опфати сите актери без оглед на нивната функција. Тој го обвини Нетанјаху за лицемерие, посочувајќи дека премиерот претходно ги обвинуваше другите за изборна кражба, додека,според неговите тврдења, самиот се обидувал да ја присвои државата.

Притисокот врз актуелниот премиер дополнително се засили откако неговиот главен политички ривал,поранешниот началник на Генералштабот на израелската армија Гади Ајзенкот, побара Нетанјаху веднаш да се повлече од функцијата.

„Тој не може да остане на чело на владата ниту една минута повеќе“

По гласањето на 27 октомври, ниту блокот на Нетанјаху ниту опозицискиот блок предводен од Ајзенкот не успеаја да го обезбедат потребното мнозинство од 61 пратеничко место за формирање влада, но двете арапски партии,Раам и Заедничката листа, веќе најавија поддршка за Ајзенкот.

Извор на информацијата: Извештаи на израелскиот Канал 12 и весникот „Хаарец“, како и објави на израелски опозициски лидери на платформата Икс.

ИЗДВОЕНИ