Вооружените сили на Иран нападнаа танкер за нафта во Ормутскиот теснец откако тој ги игнорираше сите предупредувања, објави утрово прес-службата на Корпусот на Исламската револуционерна гарда (ИРГЦ).
„Утрово, танкерот за нафта со име PRIMA ги игнорираше повторените предупредувања од морнарицата на ИРГЦ за затворање на Ормутскиот теснец и беше погоден од напад со беспилотни летала“, се вели во соопштението, пренесе „Тасним“.
Стратешки важниот Ормутски теснец е под контрола на ИРГЦ осми ден поради израелската и американската агресија врз Иран, а на танкерите за нафта и комерцијалните бродови сојузнички на овие земји не им е дозволено да поминат, соопшти иранската агенција.
Ормутскиот теснец, кој е контролиран од Иран, е најважниот светски пат за транспорт на нафта.
Околу една петтина од вкупната светска трговија со нафта поминува низ овој воден пат, кој ги поврзува најголемите производители на нафта во Персискиот Залив со Оманскиот Залив и Арапското Море.
ИЗДВОЕНИ
КОЛУМНА, ЗВОНКО ДАВИДОВИЌ: Судството како партиски реверс и обвинителството како немо сведоштво
Кандидатите за членство во Унијата ќе се доближуваат преку системот на „градежни блокови“: Макрон и Мицкоски на маса – Европа со нова понуда за Балканот
Агенциите бараат доплата по 20 евра од патник поради поскапите авионски карти
Факултетот за арт и дизајн – 20 години посветеност, знаење, визија и слободно креативно изразување!
