Вкупно пет македонски семејства досега побарале помош или асистенција при евакуација од подрачјата зафатени со пожарите во Грција, информираат од Министерството за надворешни работи и надворешна трговија.
Според информациите од дипломатско-конзуларното претставништво во Солун, македонските семејства, во координација со надлежните грчки власти, биле упатени кон најблиските евакуациски точки, каде што биле згрижени заедно со останатите туристи.
Од МНР и надворешна трговија повторно упатуваат апел до македонските државјани кои се наоѓаат во погодените подрачја и имаат потреба од помош да се обратат на дежурниот телефон на Министерството +389 75 268 736 или преку електронската адреса [email protected].
Помош и информации може да се побараат и на дежурните телефонски броеви на Конзулатот на Република Северна Македонија во Солун: +30 694 526 8068 и +389 71 323 001.
Министерството ги повикува македонските државјани во засегнатите подрачја внимателно да ја следат состојбата и доследно да ги почитуваат упатствата и насоките на надлежните локални власти.
ИЗДВОЕНИ
Македонија официјално кандидат за домаќин на ЕП во ракомет 2034
Комарци и канали полни со застојана вода – ќе помогне ли прскањето?
Дел од македонските туристи побарале помош од Конзулатот во Солун поради пожарот на Халкидики
13 лица испрашани за ширење лажни вести за водата, сите кажале дека виделе од друг на Фејсбук
