Општина Куманово продолжува со градежните активности во спортската сала во градот. Градоначалникот Максим Димитриевски информираше дека во моментов интензивно се работи на партерното уредување на просторот.
– Паралелно со овие активности, во тек е и изградбата на системот за греење и вентилација, кој е од особено значење за обезбедување современи услови за функционирање на салата – нагласи Димитриевски.
Тој додаде дека со реализацијата на овие фази, објектот постепено го добива својот конечен изглед и се создаваат услови за современ, функционален и квалитетен спортски простор наменет за спортистите и за сите граѓани на Куманово.
