Проблемот со бездомните кучиња е комплексен општествен, институционален и законски предизвик што бара системски пристап, соработка и долгорочна стратегија. Токму поради тоа, јавното претпријатие „Лајка“, утре, од 12:00 до 16:00 часот, во Град Скопје, организира панел-дискусија на тема „Систем, закони и реалност: Справување со уличната популација на кучиња“.
–Сметаме дека е исклучително важно да се отвори простор за сериозна, стручна и конструктивна дискусија помеѓу институциите, ветеринарниот сектор, локалната самоуправа, здруженијата и експертите од регионот. Оваа дискусија не е организирана со цел да се впери прст, туку да се слушнат различни искуства, практики и перспективи, да се отвори дијалог за тоа што функционира, што не функционира и што како општество мораме да промениме – велат од ЈП „Лајка“.
Оттаму информираат дека во рамки на панелите ќе се разговара за хуманите системи за управување со популацијата на кучиња, институционалната соработка, регионалните искуства, одговорното сопствеништво и привременото згрижување.
– Веруваме дека само преку соработка, отворена комуникација и реален пристап можеме да дојдеме до одржливи и хумани решенија – нагласуваат од претпријатието.
Настанот е отворен за сите заинтересирани и засегнати страни.
ИЗДВОЕНИ
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
