Три тона дрога шверцувани од Шпанија во Франција: Уапсени шест лица

Пет мажи и една жена се уапсени под сомнение за шверц на три тони дрога од Шпанија во Франција, соопшти денес обвинителството во Тулуз.

Тие се обвинети за транспорт на дрога, најчесто канабис, по пат до Тулуз помеѓу декември 2024 и февруари 2026 година, објави BMF.

Обвинителството во Тулуз побара притвор за сите уапсени, кои се на возраст меѓу 22 и 43 години.

Триесет и двегодишен маж од Тулуз, за ​​кого истражителите веруваат дека е еден од главните организатори на криминалната група, беше уапсен во Каталонија, а кај него беа пронајдени оружје и муниција.

Франција побара негова екстрадиција.

Тој е осомничен за организирање на пакувањето на дрогата, а потоа и за препродажба преку Телеграм.

Дрогата од Шпанија наводно стигнала до Белгија, Италија и Полска преку Франција.