Жителите на населеното место Долно Коњари добија нов мултифункционален спортски центар, кој денеска го пуштија во употреба министерот за спорт, Борко Ристовски, и градоначалникот на Петровец, Борче Митевски.
Овој проект е реализиран во рамките на програмата на Министерството за спорт за изградба и реконструкција на спортската инфраструктура низ целата држава. Со оваа инвестиција, жителите на Долно Коњари, особено младите, добија уреден спортски простор со терени за фудбал, ракомет и за кошарка, опремени со соодветни реквизити.
Министерот Ристовски истакна дека вложувањето во спортската инфраструктура е важна основа за развој на спортот во сите средини и за поголема достапност на спортот за младата популација.
– Овој простор треба да се чува и да биде место каде што младите ќе спортуваат и ќе се учат на позитивните вредности што ги носи спортот. Тоа е простор наменет за сите граѓани и сите треба да се однесуваат одговорно кон ваквите објекти за да останат во функција и да бидат од корист за целата заедница – рече Ристовски.
Министерството за спорт го реализираше овој проект во соработка со Општина Петровец.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
