Зад утринскиот крвав напад во средно училиште во загрепската населба Волтино – при што маскиран ученик со нож нападна свој врсник и хигиеничарка – стои конфликт што вчера настанал меѓу двајца ученици од прва година.
Според неофицијалните информации до кои дојде Индекс.хр, напаѓачот и жртвата вчера се расправале. За време на расправијата, напаѓачот отворено му се заканил на својот врсник, порачувајќи му „да внимава“, а утрово, нешто по 8 часот, тој пристигнал во училиштето вооружен и со фантомка на главата, со јасна намера да ја спроведе заканата во дело.
Учениците што утрово се собраа пред училишната зграда на улицата „Конавоска“ раскажаа како напаѓачот со фантомка на лицето влегол во училиштето и веднаш се упатил кон ученик со кого претходниот ден имал судир. Кога тој со нож се впуштил кон својата цел, една од хигиеничарките во училиштето притрчала на помош, обидувајќи се да го спречи и да го заштити момчето, но напаѓачот ја нападнал и неа.
И ученикот – примарната цел на напаѓачот – и храбрата вработена се здобиле со повреди при нападот. Тие биле пренесени во болница со возило на брза помош, додека напаѓачот во моментов е под полициски надзор. Учениците што излегуваа од зградата истакнаа дека единственото лице задолжено за безбедност на влезот била една постара жена, која немала никакви шанси против вооружениот и маскиран млад човек.
ИЗДВОЕНИ
Не се од Буџетот, од Државна лотарија се – 5 и пол милиони евра за „Силно светнал ден“
„Ниту еден обвинет не смее да биде спасен од бавноста на системот“, порачаа родителите
Андреа Серафимовски за весникот ВЕЧЕР: Македонците повеќе инвестираат во станови отколку во банки, но многу од нив се празни
Симптомите на западнонилската треска може да траат и до два месеца
