Шумски пожар избувна утрово во областа Маратијас на грчкиот остров Закинтос. На местото на настанот се наоѓаат 32 пожарникари, 11 возила, четири авиони и два хеликоптери, додека поради опасноста е активиран и системот за предупредување за итни случаи 112.
Веднаш беа мобилизирани голем број противпожарни екипи за да се спречи понатамошно ширење на пожарот на овој популарен грчки остров.
Во гаснењето на пожарот учествуваат 32 пожарникари, вклучувајќи два пешачки тима од 17-та единица EMODE, како и волонтери. На местото на настанот се наоѓаат 11 противпожарни возила, додека четири авиони и два хеликоптери го гаснат пожарот од воздух.
Локалните власти исто така им даваат помош на противпожарните единици, кои испратија цистерни со вода во погоденото подрачје. Поради пожарот е активиран и системот за предупредување за итни случаи 112. Граѓаните и туристите во областа се повикуваат да бидат во состојба на готовност и строго да ги следат сите упатства од надлежните органи.
Пожарникарите продолжуваат со интензивната борба против пожарот, а засега нема информации за повредени или материјална штета.
ИЗДВОЕНИ
Македонија стиска палци за Никола Ѓуретановиќ – ќе се бори со европската елита!
Возачите чекаат решение на 1 септември во Брисел – ако нема договор, ќе следуваат протести
Колони на границите, гужви на патарините – повеќе М-тагови за помалку чекање
Не расте бројот на случаите, туку бруталноста: околу 50 пријави за врсничко насилство годишно
