Водата од регионалниот водовод „Лукар“ треба задолжително да се преврива бидејќи е заматена и нема присуство на резидуален хлор, поради обилните дождови и наглото топење на снегот од планината Кожуф. На тоа укажува одделението на Центарот за јавно здравје во Кавадарци.
– Мерењата на резидуалниот хлор во водата покажаа негово отсуство, а тоа ни е показател за хлорирање на водата за пиење. Дадовме налог до комуналното претпријатие да се зголеми дозирањето на хлор во хлораторната станица. Зедовме и дополнителни мостри од водата за пиење за анализа – појасни Трајче Ризов, раководител и лекар специјалист по хигиена во Одделението за јавно здравје во Кавадарци.
Тој потсети дека водата, која се носи педесетина километри од планината, ја пијат шеесетина илјади жители од три општини во Тиквешијата: Кавадарци, Неготино и Росоман. Таа ќе мора да се преврива, сè додека надлежните институции не кажат поинаку.
ИЗДВОЕНИ
КОЛУМНА, ЗВОНКО ДАВИДОВИЌ: Судството како партиски реверс и обвинителството како немо сведоштво
Кандидатите за членство во Унијата ќе се доближуваат преку системот на „градежни блокови“: Макрон и Мицкоски на маса – Европа со нова понуда за Балканот
Агенциите бараат доплата по 20 евра од патник поради поскапите авионски карти
Факултетот за арт и дизајн – 20 години посветеност, знаење, визија и слободно креативно изразување!
