Иранската државна телевизија, известувајќи за назначувањето на Моџтаба Хамнеи за нов врховен лидер на Иран, соопшти дека тој бил ранет во војната. Емисијата го опиша како „џанбаз“, што значи лице рането од непријателот, во „Рамазанската војна“, како што иранските медиуми го нарекуваат сегашниот конфликт.
Но, еден аналитичар подоцна посочи дека Хамнеи можеби бил ранет додека служел во Иранско-ирачката војна во 1980-тите.
Моџтаба Хамнеи не е виден во јавноста откако започна конфликтот. Неговиот татко, поранешен ајатолах, беше убиен во израелски воздушен напад врз Техеран на 28 февруари, на почетокот на војната.
Соединетите Американски Држави и Израел веројатно ќе се спротивстават на назначувањето на Моџтаба Хамнеи за нов врховен лидер на Иран. Американскиот претседател Доналд Трамп минатата недела изјави дека сака да игра улога во изборот на новиот лидер на Иран.
Иако посочи дека би бил отворен за некој што има врски со сегашното раководство, тој јасно стави до знаење дека е против Моџтаба Хамнеи. „Синот на Хамнеи е неприфатлив за мене“, нагласи Трамп.
Израел, исто така, издаде предупредување пред да го потврди вториот син на Хамнеи за врховен лидер, велејќи дека ќе продолжи да бара секој наследник на покојниот ајатолах.
ИЗДВОЕНИ
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
