Музичко-сценскиот спектакл „Силно светнал ден“, по повод одбележувањето 35 години од независноста на Република Македонија, на 9 август премиерно ќе биде изведен на стадионот „Билјанини Извори“ во Охрид.
Овој спектакл, кој ги обединува музиката, глумата и танцот и во кој ќе учествуваат познати македонски музички изведувачи, актери и танчари, ќе ја раскаже приказната за три и полдецениската независност низ најзначајните историски моменти, предизвици и достигнувања на државата.
Во програмата ќе учествуваат околу 120 музичари, актери и други уметници, а македонските музички хитови ќе бидат споени со стиховите од Блаже Конески, Ацо Шопов, Анте Поповски и од други македонски поети.
Музичкиот дел ќе биде поделен во повеќе тематски целини, ќе има песни посветени на Тоше Проески, како и македонска поп-музика и етнозвуци. Домаќини на спектаклот ќе бидат Игор Џамбазов и Драгана Ливринска.
Карванот ќе гостува во 11 града во државата, а својата завршница ќе ја има на 4 септември, на плоштадот „Македонија“ во Скопје.
ИЗДВОЕНИ
По пишувањето на ВЕЧЕР: Народниот правобранител бара гостиварци да не плаќаат за загадената вода
Европа со „минималци“ над 2.000 евра, Македонија на дното од листата
Граѓаните се жалат на нередовно читање на водомерите, паушални фактури и високи сметки
Следи нов бран поскапувања наесен, Владата само уверува дека цените се под контрола
