Деветнаесетгодишен мотоциклист го загуби животот во тешка сообраќајна несреќа што денеска се случи на улицата „Радишанска“ во Скопје.
Според информациите од Министерството за внатрешни работи, несреќата била пријавена во СВР Скопје денеска (07.08.2026) во 12:12 часот. Во судирот учествувале патничко возило „Алфа Ромео“ со италијански регистарски ознаки, управувано од С.Б. (46), и мотоцикл без регистарски ознаки, управуван од Н.М. (19) од скопско.
Од здобиените повреди, младиот мотоциклист починал на местото на несреќата.
Од МВР информираат дека увидот е во тек, а по неговото завршување ќе бидат познати повеќе детали за причините и околностите под кои се случила трагичната сообраќајна несреќа.
