Во Театар Комедија се подготвува претставата „Цуци“

Во Театар Комедија започнаа пробите за новата хит претстава со наслов „Цуци“, во режија на Александра Кардалевска ,по текст на Онур Озџан.

Во претставата играат Жаклина Стевковска, Ева Скендеровска, Елена Кузмановска, Ана Грамосли, Сергеј Димовски, Ненад Ангеловиќ, Виктор Арсов и Јаков Спасов.

Инаку, Онур Озџан е турски сценарист, глумец и продуцент. Во последниот период, тој е исклучително активен на театарската сцена во Македонија. Неговиот ангажман во македонските театри опфаќа пишување драмски текстови и креирање на комплетниот визуелен и видеоконцепт за претставите.

Меѓу неговите проекти во земјава се психолошката драма „Интервју“ во НУ Турски театар – Скопје како и соработката со Струмичкиот театар за претставата „Четири слики на љубовта“, каде што се потпишува зад впечатливиот дизајн на сцената и видеопродукцијата.

Премиерата и репризата на оваа хит претстава се на 25 и 26 декември.