Општина Центар на младите од оваа општина им доделува субвенции за обука и полагање за возачка дозвола Б-категорија.
За таа цел се обезбедени 2 милиони денари. Субвенцијата изнесува 10.000 денари, а право на аплицирање имаат лицата родени во 2006, 2007 и во 2008 година.
Од Општина Центар информираат дека од оваа година е воведено и олеснување на постапката, со тоа што субвенциите може да се исплатат и на трансакциската сметка на родителите наместо, како досега, само на корисникот.
Правото на субвенција е еднократно, а апликантите треба да достават: барање за субвенција за полагање возачки испит Б-категорија во автошколите на подрачјето на Општина Центар; копија од лична карта; копија од трансакциска сметка; доказ за извршена уплата во автошкола; доказ дека е регистрирана автошколата на подрачјето на Општина Центар.
Јавниот повик трае до исцрпување на предвидените средства, а најдоцна до 31 декември 2026 година.
Барањата се поднесуваат во архивата на Општина Центар, барака број 6, секој работен ден од 9:00 до 15:00 часот.
За повеќе информации, граѓаните може да се обратат на телефонските броеви 02/3203-600 и 02/3203-680.
ИЗДВОЕНИ
Утврдени траги од судијата Ристов на фолиите во кои беа завиткани 350 илјади евра
Граѓаните сами ќе избираат дали ќе одат во пензија на 62 или ќе работат до 73 години
До 20.000 евра за сопствен бизнис, но дали тоа ќе ги задржи младите дома?
14 годишно момче избодено со нож во населбата Ченто, семејството бара пронаоѓање на напаѓачите
