Министерот за надворешни работи на Босна и Херцеговина (БиХ) Елмедин Конаковиќ ќе побара од Министерството за внатрешни работи на Сараевскиот кантон да го забрани концертот на пејачката Јелена Карлеуша во Сараево закажан за август.
„Ќе побарам од Министерството за внатрешни работи на Кантонот Сараево да го забрани овој концерт во согласност со Законот за јавни собири, бидејќи станува збор за лице чии настапи поттикнуваат национална и верска омраза. И немојте да велите дека ова не е работа на министерот за надворешни работи, немојте да пишувате дека не треба да се спуштам на тоа ниво“, напиша Конаковиќ на „Фејсбук“.
Тој изјави дека Карлеуша „го негирала геноцидот во Сребреница и ги навредила оние кои ја кажуваат вистината за извршениот геноцид, и ние треба да ја пречекаме со раширени раце“.
Конаковиќ напиша дека „реагира на феноменот на простување на негирачите на геноцидот и дозволување тие дополнително да го понижуваат бошњачкиот народ и неговото страдање“.
Тој, исто така, откри дека лидерот на Партијата за подобра иднина и сопственик на сараевски „Аваз“, Фахрудин Радончиќ, ја промовирал Карлеуша во Босна и Херцеговина и „пренел нејзини топли пораки и пишувал пофалби за неа“.
„Радончиќ го прави ова намерно и веројатно зема динар за ваков вид промоција“, заклучи Конаковиќ, пренесе „Бета“.
ИЗДВОЕНИ
Европскиот шопинг феномен Pepco официјално пристигна во Скопје: Најавени продавници и во Охрид и Струга!
Мицкоски упати сериозни критики кон соработниците – фотелјата не смее да биде помила од народот: Опомена до функционерите: Ако сте уморни, заминете!
Црвените линии на хартија – ЕУ да гарантира дека нема да го чепка македонскиот идентитет
Струјата ќе поевтини – блок-тарифите се укинуваат!?
